कोरोना संक्रमणपछि पहिलो पटक बहराइन पुगे १४६ नेपाली
मकवानपुर । कोरोना भाइरसको महामारीपछि पहिलो पटक नेपालीहरू बहराइन पुगेका छन् ।
कोरोना महामारीले बिदामा घर गएका नेपालीहरू बहराइन फर्कन सुरू गरेका हुन् । नेपाल एयरलाइन्सको उडानमार्फत बिहीबार पहिलो पटक १४६ नेपाली कामदार बहराइन पुगेका छन् ।
बहराइनस्थित नेपाली दूतावासले बिदामा गएकाहरु फर्कन सक्ने २११ जनाको सूची सार्वजनिक गरेपछि पहिलो चरणमा १४६ जना बहराइन पुगेका हुन् । बहराइन पुगेकाले ३० बिडी शुल्क तिरेर कोरोना परीक्षण गराई ७ दिन आइसोलेसन बसेर कार्यक्षेत्रमा जानअघि फेरि कोरोना परीक्षण गर्नु पर्नेछ ।
बहराइनबाट विभिन्न समयमा बिदामा घर पुगेका नेपालीहरू कोरोनाका कारण हवाई उडान स्थगित भएपछि नेपालमै रहेका थिए ।
यस्तै बहराइनमा समस्यामा परेका १५० नेपाली लिएर नेपाल एयरलाइन्स बिमान स्वदेश फर्किएको दूतावासले जनाएको छ ।
खबरहब डटकमबाट
