जुवाडे पक्राउ गर्दा कार्यालय भित्रै पुगेर प्रहरीमाथि कुटपिट
मकवानपुर । जुवाडेलाई पक्राउ गरेको भन्दै कञ्चनपुरमा प्रहरीमाथि कार्यालयमै कुटपिट भएको छ ।
प्रहरीका अनुसार इलाका प्रहरी कार्यालय त्रिभुवनबस्तीमा कार्यरत प्रहरी निरीक्षकसहित केही प्रहरीमाथि कार्यालय भित्रै कुटपिट भएको हो ।
तास खालबाट पक्राउ परेका केही व्यक्तिहरूलाई छुटाउन भन्दै इलाका प्रहरी कार्यालय पुगेको एउटा समूहले ढुंगामुढा गर्दै प्रहरीलाई नै कुटपिट गरेको प्रहरीले जनाएको छ ।
पुनर्वास नगरपालिका मेयर जीवनराम थापाका माइला छोरा देवेन्द्र थापा, भतिज स्वकीय सचिव टेक थापा लगायतको टोलीले इलाका प्रहरी कार्यालयमा ढुंगामुडा गर्नुका साथै कुटपिट गरेको प्रहरीको आरोप छ ।
सुदूरपश्चिम प्रदेश प्रहरी कार्यालयका निमित्त एसएसपी मुकेश सिंहका अनुसार अहिले प्रहरी माथिनै कुटपिट भएको घटनाको बारेमा थप अनुसन्धान भइरहेको छ ।
एसएसपी थापाले भने, तास खेलिरहेको अवस्थामा पुनर्वासका केही व्यक्तिहरुलाई नियन्त्रणमा लिएको विषयमा वादविवाद भएर प्रहरीमाथि कुटपिट भएको भन्ने खबर आएको छ, अहिले अनुसन्धान गरिरहका छौं ।
यता मेयर जीवनराम थापाका भतिज तथा स्वकीय सचिव टेक थापाले भने प्रहरीले आफूहरूलाई कुटपिट गरेको दाबी गरेका छन् ।
खबरहब डटकमबाट
