रिक्त मन्त्रालयमा तत्काल मन्त्री नियुक्त गर्ने, पुनर्गठन तिहारपछि
मकवानपुर । नेपाल कम्युनिष्ट पार्टी (नेकपा) ले रिक्त रहेका मन्त्रलायमा तत्कालै मन्त्री नियुक्त गर्ने तयारी गरेको छ । नेकपाका दुई अध्यक्षबीच यस विषयमा पटक पटक कुराकानी भएको स्रोतले जानकारी गराएको छ । बिहीबार पनि दुईजना अध्यक्षबीच छलफल भएको छ । छलफलका क्रममा खाली रहेका मन्त्रालयमा तत्कालै मन्त्री नियुक्त गर्ने र बाँकी काम तिहारपछि गर्ने कुराकानी भएको स्रोतले जानकारी गराएको छ ।
स्रोतका अनुसार विष्णु पौडेल, कृष्णगोपाल श्रेष्ठलगायतका नेताहरुको नाम अहिले चर्चामा छ । पौडेललाई अर्थ मन्त्रालयको जिम्मेवारी दिइने तयारी छ भने श्रेष्ठलाई सहरी विकास मन्त्रालय दिने तयारी छ । यसअघि सुरेन्द्र पाण्डेलाई सहरी विकास मन्त्रालय दिने भनिए पनि पाण्डेले भने अर्थ मन्त्रालय नपाएसम्म आफू सरकारमा नजाने बताएका थिए ।बाह्रखरी डटकमबाट
