भोर्लेनी खोलामा एक युवती मृत फेला
सान्केतिक तस्बिर
मकवानपुरको भोर्लेनी खोलामा एक २२ वर्षीया युवती मृत फेला परेकी छन् ।
पूर्वी मकवानपुरको बागमती गाउपालिका ५ स्थिति भोर्लेनी खोलामा स्थानीय २२ वर्षीया भगवती भोलन मृत भेटिएको जिल्ला प्रहरी कार्यलय मकवानपुरका प्रहरी प्रवक्ता नायव उपरीक्षक प्रहरी जयश्वर रिमालले जानएको छ ।
प्रहरी प्रवक्ता रिमालका अनुसार भोलनको शव आज बिहान १० बजे फेला परेको हो । प्रहरीलाई आफन्तले दिएको जानकारी अनुसार खोला तर्ने क्रममा भोलनलाई बगाउँदा मृत्यु भएको प्रारम्भिक अनुसन्धानमा देखिएको उन्ले बताए ।
घटनाको आवश्यक थप अनुसन्धान भईरहेको जिल्ला प्रहरी कार्यलय मकवानपुरले जनाएको छ ।
