मनहरीको वनमा पुरुषको शव भेटियो
मकवानपुर । मकवानपुरको मनहरी गाउँपालिका वडा नम्बर ९ रजैयास्थित चौधमाईल कालिका सामुदायिक वनमा एक पुरुषको शव फेला परेको छ । सोमबार दिउँसो करिब १२ बजेको समयमा अन्दाजी ४१ वर्षीय पुरुषको बेवारिसे शव फेला परेको हो ।
शवको पहिचान हालसम्म पनि नभएको जिल्ला प्रहरी कार्यालय मकवानपुरले जनाएको छ । शवको मुचुल्का पश्चात पोष्टमार्टमका लागि हेटौँडा अस्पतालमा राखिएको प्रहरीले जानकारी दिएको छ ।
