हेटौँडा बसपार्कबाट २ युवक पक्राउ
मकवानपुर । मकवानपुरको हेटौंडा उपमहानगरपालिका वडा नम्बर १० बसपार्कबाट २ युवकहरु पक्राउ परेका छन् ।
पक्राउ पर्नेहरूमा राक्सिराङ गाउँपालिका वडा नम्बर १ सानो भावर बस्ने १९ वर्षीय बिजय तामाङ र रौतहटको बृन्दावन नगरपालिका वडा नम्बर १ बस्ने ३५ वर्षीय धर्मेन्द्र ठाकुर रहेका छन् ।
उनीहरुलाई बसपार्कबाट अवैध लागूऔषध गाँजा करिब ५ किलोसहित मंगलबार बिहान प्रहरीले पक्राउ गरेको हो । प्रहरी चौकी बसपार्कबाट खटिएको प्रहरीले चितवनबाट वीरगंजतर्फ जाँदै गरेको ना.६ ख ३५५७ नम्बरको बसलाई जाँच गर्ने क्रममा बसमा सवार उनीहरूलाई उक्त गाँजासहित पक्राउ गरेको प्रहरीले जनाएको छ ।
