हेटौँडामा २२ जनाले गरे रक्तदान
मकवानपुर । मकवानपुरको हेटौँडा उपमहानगरपालिका वडा नम्बर ११ टोल विकास संस्था वडा समन्वय समितिको आयोजनामा हेटौंडा ११ मा रक्तदान कार्यक्रम गरिएको छ ।
विश्व वातावरण दिवसको अवसरमा गरिएको कार्यक्रममा २२ जनाले रक्तदान गरेका थिए । वडासमन्वय समिति अध्यक्ष यज्ञबहादुर आचार्यको सभाध्यक्षतामा भएको कार्यक्रममा वडाअध्यक्ष जुना दाहालको प्रमुख आतिथ्यता रहेको थियो ।
कार्यक्रममा वडा सदस्य बिकास नेपाल, गिता सुनार, सञ्जय बिडारी, गोपीनी सापकोटा , टोल विकास संस्था नगर समन्वय समितिका अध्यक्ष धुर्व अधिकारी लगायतको आतिथ्यता रहेको थियो ।
