अस्तव्यस्त तारको जालोले हेटौँडा बजार कुरुप बन्दै
मकवानपुर । हेटौँडा बजारको मुख्य सडकमा रहेको पार्किङ र फुटपाथमा पसलहरू नजिकैको बिजुलीका पोलहरू केबल र नेटका तारको जालोले अस्तव्यस्त बनेको छ । नेट तथा केबल सेवा प्रदायकले बेवास्ता गर्दा तारको जञ्जालले गर्दा हेटौँडा कुरुप बन्न पुगेको छ ।
हेटौँडाका अधिकांश बजार क्षेत्रमा बिजुलीको पोलमा तारहरूको जालो जताततै छन् ,जसले गर्दा यस क्षेत्रका बासिन्दा र पैदलयात्रुहरूमा जोखिम बढाएको छ। तारको कारण सहर कुरुप बन्दै गएपछि स्थानीयहरुले फोटो र भिडियो खिच्दै सामाजिक सञ्जालमा पोष्ट गर्न सुरु गरेका छन् । केबल र नेट प्रदायकहरुको बेवास्ताका कारण दिक्क बन्दै स्थानीयहरुले त्यसबारे विचार पोखेका हुन् ।
स्थानीय प्रशासन र सम्बन्धित निकायले छिटो भन्दा छिटो यो समस्याको समाधान गर्नु पर्ने देखिएको स्थानीयहरु बताउँछन् ।
