हेटौँडा ६ मा एम्बुलेसको ठक्करबाट २ जना घाईते
मकवानपुर । हेटौँडा उपमहानगरपालिका वडा नम्बर ६ हात्तिलेटमा एम्बुलेन्सको ठक्करबाट मोटरसाइकलमा सवार २ जना घाइते भएका छन् । एम्बुलेन्सको ठक्करबाट मोटरसाइकल चालक हेटौँडा–१७, हटियाका ३६ वर्षीय सुनिल दर्नाल र हेटौँडा–५, पिप्लेका ४५ वर्षीय भाष्कर पौडेल घाइते भएका हुन् ।
प्रहरीका अनुसार दर्नालको टाउको, दाहिने हातमा चोट लागेको र अवस्था मध्यम रहेको तथा पौडेलको दाहिने हात, टाउकोमा चोट लागेर गम्भीर अवस्थामा रहेको छ । घाइते दुबैजनाको हेटौँडा–१ स्थित मकवानपुर सहकारी अस्पताल पठाइएको छ ।
हेटौँडा–सिन्धुली सडकअन्तर्गत मंगलबार साँझ करिब ७ बजेको समयमा हेटौँडा बजारबाट हटियातर्फ जाँदै गरेको ना ३ च ८२८९ नम्बरको एम्बुलेन्सले विपरित दिशाबाट आउँदै गरेको ना ४२ प ५७०९ नम्बरको मोटरसाइकललाई ठक्कर दिएको थियो ।
