रहिनन् साहित्यकार अप्सरा तिम्सिना
मकवानपुर । मकवानपुरमा साहित्यको क्षेत्रमा योगदान पुर्याइरहेकी साहित्यकार अप्सरा तिम्सीनाको निधन भएको छ । हेटौँडा ४ निवासी तिम्सीनाको आइतबार राती उपचारका क्रममा भरतपुरमा निधन भएको हो ।
केही दिनदेखि ज्वरोका कारण बिरामी परेकी साहित्यकार तिम्सिना आँचल साहित्य कला पुञ्जकी अध्यक्ष तथा साहित्य संगम मकवानपुरकी पूर्व उपाध्यक्ष हुन् ।
साहित्यकार तिमल्सिनाको ‘किनाराका आवाजहरु’ नामक कविता संग्रह र ‘अभ्यन्तर’ नामक कथा संग्रह गरी दुई वटा कृति प्रकाशित छन् ।
बालज्योति मावि बसामाडी लेबटमा सहायक प्रधानाध्यापकको जिम्मेवारी बहन गरेकी तिम्सिनाका श्रीमान्, एक छोरा र एक जना छोरी रहेका छन् ।
तिम्सिनाको निधनले मकवानपुरको साहित्य तथा शिक्षाक्षेत्रमा क्षति पुगेको मकवानपुरका साहित्यकारहरुको भनाई छ ।
