मकवानपुरगढीमा टोल विकास संस्था परिचालन तथा सशक्तीकरण कार्यक्रम
मकवानपुर । मकवानपुरगढी गाउँपालिकाको वडा नम्बर ४ मा टोल विकास संस्था परिचालन तथा सशक्तीकरण कार्यक्रम सुरु भएको छ ।
हामी सक्छौं नेपालको आयोजना तथा मकवानपुरगढी गाउँपालिकाको सहयोग तथा समन्वयमा तालिम सुरु भएको हो ।
गाउँपालिकामा गठित दश वटा टोल विकास संस्थाका पदाधिकारी तथा सदस्यको सहभागितामा तालिम भएको हो । कार्यक्रममा टोल विकास संस्थाको आवश्यकता, महत्व, काम, कर्तव्य र अधिकार, सामाजिक विकास, नेतृत्व विकास, उद्घोषण, माइन्युट लेखन लगायतका बिषयमा सहजीकरण गरिएको जनाइएको छ ।
आयोजक संस्थाका अध्यक्ष शिवहरी दहालको अध्यक्षतामा भएको कार्यक्रममा मकवानपुरगढी गापा ४ नं वडा अध्यक्ष रामप्रसाद तिमिल्निाको प्रमुख आतिथ्यता थियो । तालिममा रिपेश दाहाल, सागर लम्साल तथा अभि मैनालीले सहजीकरण गरिरहेको हामी सक्छौं नेपालका उपाध्यक्ष किशन घिसिङले जानकारी दिए ।
