खेल
हेटौंडामा टि टेन क्रिकेट प्रतियोगिताको तयारी
मकवानपुर । मकवानपुरको हेटौंडामा रहेको सोलिड्यारिटी इन्टरनेशनल एकेडेमीका संस्थापक ऋषिराम आचार्यकी आमा स्व. झमकमाया आचार्यको स्मृतिमा टि टेन क्रिकेट प्रतियोगिताको तयारी गरिएको छ ।
प्रतियोगिता तयारीबारे पत्रकार सम्मेलन गरी दिइएको जानकारी अनुसार माघको २७ गतेदेखि गतेदेखि ३० गतेसम्म ४ दिनसम्म संचालन हुनेछ ।
मदन भण्डारी स्पोर्टस एकेडेमी मकवानपुरको व्यवस्थापनमा हुने प्रतियोगिता हेटौंडाको हुप्रचौरमा हुनेछ । प्रतियोगितामा मकवानपुरका सामुदायिक विद्यालय र नीजि विद्यालयले सहभागिता जनाउनेछन् ।
प्रतियोगितामा विजेताले २० हजार र उपविजेताले नगद १० हजार सहित मेडल, ट्रफी र प्रमाणपत्र प्रदान गरिने आयोजकले जनाएको छ ।
