घर बहालमा छुट माग
मकवानपुर । घर बहाल सरोकार महासंघ नेपालको दशौं स्थापना दिवसका अवसरमा शुभकामना आदान प्रदान तथा दीप प्रज्वलन गरिएको छ ।
नेपाल घरबहाल उपभोक्ता संघ मकवानपुरको आयोजना हेटौंडाको बुद्दचोकमा दीप प्रज्वलन गरिएको हो ।
संघ मकवानपुर अध्यक्ष नवराज न्यौपानेले दीप प्रज्वलन गरी कार्यक्रम सुभारम्भ गरेका थिए ।
कार्यक्रममा न्यौपानेले स्थापना दिवसका अवसरमा सबै सरोकारवाला,सहयोगी संघ संस्थालाई धन्यवाद तथा स्थापना दिवसको शुभकामना दिए ।
अध्यक्ष न्यौपानेले विश्वव्यापी माहामारीको रुप लिइरहेको कोरोना भाइरसको संक्रमणबाट बच्न गरिएको लक डाउनमा घर भाडामा कम्तिमा पनि आधा छुट, बैंकले ब्याज मिनाह गर्नुपर्ने बताए ।
घर बहाल सरोकार महासंघका केन्द्रिय सदस्य तथा मकवानपुर जिल्ला महासचिव समीर डंगोल, जिल्ला उपाध्यक्ष नारायणप्रसाद कँडेल लगायतको उपस्थितीमा स्थापना दिवस मनाइएको हो ।
