सचिवालय बैठकको मागपछि प्रधानमन्त्री ओली र नेता नेपालबीच भेटवार्ता
मकवानपुर । प्रधानमन्त्री एवम् सत्तारुढ दल नेपाल कम्युनिस्ट पार्टी (नेकपा) का अध्यक्ष र वरिष्ठ नेता माधवकुमार नेपालबीच भेटवार्ता जारी छ ।
नेकपाभित्रको अन्तर्विरोध चुलिँदै जाँदा प्रधानमन्त्री ओली र नेता नेपालबीच आइतवार दिउँसो भेटवार्ता हुने कार्यक्रम तय भएको थियो । नेपालसँगै नेताहरु सुरेन्द्र पाण्डे, भीम रावल, रघुजी पन्त पनि बालुवाटार पुगेका छन् ।
प्रधानमन्त्रीको सचिवालयले नेपाललाई प्रधानमन्त्रीले छलफल गर्न चाहेको बताएको थियो । त्यसपछि नेपाल आफूनिकट सदस्यका साथ बालुवाटार पुगेका हुन् ।
स्रोतका अनुसार ओली र नेपालबीच दिउँसो १ बजेदेखि नै छलफल जारी छ ।
शनिवार कार्यकारी अध्यक्ष पुष्पकमल दाहाल ‘प्रचण्ड’ सहित पाँच सदस्यले शनिवार प्रधानमन्त्रीलाई भेटेर सचिवालयको बैठक बोलाउन माग गरेका थिए ।
त्यसको भोलिपल्ट ओलीले नेपाललाई भेट्न बोलाएका हुन् ।खबरहब डटकमबाट
