हेटौंडा एकेडेमीमा मनाइयो योगी नरहरीनाथको जन्मजयन्ती
मकवानपुर । मकवानपुरको हेटौंडा उपमहानगरपालिका वडा नम्बर ११ नवलपुरमा रहेको हेटौंडा एकेडेमीमा योगी नरहरीनाथको १०७ औं जन्मजयन्ती मनाइएको छ।
विद्यालयको परिषरमा रहेको योगी नरहरीनाथको प्रतिमामा विद्यालयकी प्राचार्य गौरीदेवी चिमरियाले फूल माला,अबिर र पुष्प गुच्छा अर्पण गरिन् ।
विद्यालयका शिक्षक तथा विद्यार्थीहरुको सहभागितामा कार्यक्रम भएको हो । विद्यालयका प्राचार्य चिमरियाले योगी नरहरीनाथको बारेमा विद्यार्थीलाई जानकारी दिन हरेक वर्ष जन्मजयन्ती मनाउने गरिएको जानकारी दिइन् ।
कार्यक्रममा विद्यालयकी छात्रा वर्षा स्याङ्तानले योगी नरहरीनाथको बारेमा वर्णन गरेकी थिइन् ।
विक्रम सम्बत् १९७१ मा कालीकोट जिल्लामा योगी नरहरिनाथ अध्यात्मिक, इतिहासकार हुन् । आजीवन अन्वेषक रहेका योगीका थुप्रै पुस्तक प्रकाशित छन् । काठमाडौं पशुपति मृगस्थलीमा विक्रम सम्बत् २०५९ सालमा उनको निधन भएको थियो ।
