कोभिडकै कारण प्रदर्शन मिति सर्यो मनसँग मनको
मकवानपुर । कोभिड १९ का बिरामी बढ्न थालेसँगै फिल्म मनसँग मनको प्रदर्शन रोकिएको छ। कोरोनाका बिरामीको संख्या फेरि नियन्त्रणभन्दा बाहिर जान लागेको भन्दै स्वास्थ्य मन्त्रालयले भिडभाड नगर्न आग्रह गरेसँगै मनसँग मनको प्रदर्शन केही समयका लागि रोकिएको हो।
सरकारले हल सञ्चालनमा आएदेखिको ५० प्रतिशत अकुपेन्सीलाई पनि कायम राखेको छ। फिल्मले चैत २७ गतेलाई प्रदर्शन मिति तोकेको थियो। सौरभ इन्टरटेन्मेन्ट र बालाली इन्टरटेन्मेन्टको ब्यानरमा निर्माण भएको चलचित्रको नयाँ मिति भने तोकिएको छैन।
चलचित्रको प्रदर्शन मिति पछि सारिएतापनि यसको फस्टलुक भने सार्वजनिक गरिएको छ। चलचित्र मुख्य कलाकार नायक पुष्प खड्का र नायिका वर्षा शिवाकोटी रहेका छन्। त्यस्तै, वुद्धि तामाङ, चाँदनी प्रधान, महेन्द्र बागदास, सन्ते दा लगायतको भूमिका पनि फिल्ममा छ ।
चलचित्रको एक गीतमा नायक पल शाह र नायिका पूजा शर्माले नृत्य गरेका छन्। चलचित्रमा कैलाश राईको निर्देशन, अरुण तामाङको लगानी छ । चलचित्रमा सौरभ लामाको छायांकन, अर्जुन जिसीको सम्पादन, अर्जुन पोखरेल, दीपक शर्मा र अगोम गुरुङको संगीत, कमल राई र रामजी लामिछानेको नृत्य निर्देशन, सन्तोष खवासको एक्सन छ।नेपाललाइभ डटकमबाट
