तामाङ चलचित्र ‘ग्याल्बो राजा’ को विशेष शो हुँदै
मकवानपुर । कालिदेवी मिडिया हाउसको ब्यानरमा निर्माण भएको नेपाली कथानक चलचित्र ‘ग्याल्बो राजा’ को विशेष प्रदर्शन हुने भएको छ । चलचित्र यही बैशाख १५ गते शनिबारका दिन काठमाडौंको जमलमा रहेको राष्ट्रिय नाचघरमा प्रदर्शन हुन लागेको हो ।
चलचित्रको निर्देशन बिनायक तामाङले गरेका हुन् । प्रेम भाव, तामाङ कला संस्कृति र ऐतिहासिक कथा बोकेको चलचित्रमा नायिका संगीता तितुङको कथा रहेको छ । सन्चु लामा थोकरको छायांकन रहेको चलचित्रमा रेशम कुमार स्याउली तामाङको कला निर्देशन, राजु किराँतको द्वन्द निर्देशन र उत्तम शिशिर श्रेष्ठको नृत्य निर्देशन रहेको छ ।
चलचित्रको कार्यकारी निर्मातामा किताबसिंह घलान रहेका छन् । चलचित्रमा अर्जुन गुरुङ (भंगेरी डन), सँगिता तितुङ, विनायक तामाङ, मायादेवी मोक्तान, रमेश स्याङ्तान, सञ्चबिर तामाङ, राजु नेगी, संजय लामा, सविन तामाङ, सागर तामाङ, किताबसिंह तामाङ, नोर्बो तामाङ, किशोर श्रेष्ठ र हाँस्य कलाकार तिरे लगायतको अभिनय गरेका छन् ।
यसअघि नै ग्याल्बो राजाका २ गीतहरु नेपाली र तामाङ भाषामा सार्वजनिक भएका थिए ।
