फाखेलमा डस्टबिन वितरण
मकवानपुर । ईन्द्रसरोवर गाउँपालिका वडा नम्बर ४ को कार्यालय फाखेलले टोल विकास संस्थाहरुलाई डस्टबिन वितरण गरेको छ । वडा कार्यालयले एक कार्यक्रमकाबिच रातो र हरियो रङको डस्टबिन वितरण गरेको हो ।
फाखेलबाट स्थानीय आशबहादुर भ्लोनले दिएको जानकारी अनुसार आफ्नो टोल तथा बजार एरियामा फोहोर हुन नदिन प्रोत्सहान दिँदै टोल विकास संस्थाहरुलाई डस्टबिन वितरण गरेको हो ।
डस्टबिन वितरण कार्यक्रममा वडा नम्बर ४ का वडाअध्यक्ष चन्द्रकुमार बल, वडा सदस्यहरु, स्थानीय तथा टोल विकास संस्थाका सदस्यहरुको उपस्थिति रहेको थियो ।
