सर्वाधिक राशीको अल्ट्रा दौड आयोजना
विदुर–खेल पर्यटनको विकासका लागि नुवाकोटमा पहिलो पटक सर्वाधिक राशीको त्रिशूली अल्ट्रा दौड प्रतियोगिता आयोजना गरिएको छ । सर्वाधिक राशीको यस प्रतियोगिताले नुवाकोटका विभिन्न स्थानमा पर्यटकिय खेल गतिविधिमा मद्धत पुग्ने अपेक्षा गरिएको छ ।
नेपाल एडभेञ्चर रनिङ महासङ्घको आयोजनामा साहसिक तथा पर्यटकीय खेल ‘त्रिशूली अल्ट्रा–२०२५’ यहि चैत्र २३ गते शनिवार नुवाकोटमा सन्चालन गरिने तय भएको छ । वागमति प्रदेश सरकारको आर्थिक सहयोगमा जिल्ला खेलकुद विकास समिति नुवाकोट र रसुवाको प्रवद्र्धनमा प्रतियोगिता आयोजना गरिएको आइतबार विदुरमा आयोजिते पत्रकार सम्मेलनमा महासङ्घका अध्यक्ष एकेन्द्रबहादुर कुँवरले जानकारी दिए ।
उनका अनुसार प्रतियोगितामा राष्ट्रिय, अन्र्तराष्ट्रिय र स्थानीय गरी दुई सय ५०जना वढि खेलाडीहरुको सहभागीता रहने छ । करिब ६० किलोमिटर दुरी रहेको प्रतियोगितामा सहभागीताका लागि दर्ता शुल्क तीनसय रुपैया कायम गरिएको अध्यक्ष कुंवरले जानकारी दिए ।
प्रदेश खेलकुद विकास परिषद् बागमतीको सहयोग रहने प्रतियोगितामा महिला तथा पुरुषतर्फका विजेताहरुले समान राशी पुरस्कार प्राप्त गर्नेछन् । बेलकोटगढीबाट सुरु हुने प्रतियोगिता नुवाकोटका २० स्थान घुमरेर प्रसिद्ध देवघिाटमा पुगेर सम्पन्न हुने प्रतियोगिताका संयोजक तथा आयोजक महासंघका वरिष्ठ उपाध्यक्ष राजन खत्रीले जानकारी दिए ।
उनका अनुसार सो प्रतियोगिता पुरा गर्न महिला सहभागीलाई चार घण्टा र पुरुषलाई साँढे तीन घण्टा समय लाग्ने अनुमान गरिएको छ । महिला÷पुरुष गरी दुई विद्यामा सञ्चालन हुने प्रतियोगिताको विजेताले एक लाख, उपविजेताले ७५ हजार, तृतीय हुनेले ५० हजार, चौथों हुनेले २० हजार, पाँचौँ हुनेले १० हजार र छैटौंदेखि दशौंसम्म हुनेले जनही ३ हजार रुपैयाँ नगद पुरस्कार प्राप्त गर्ने प्रतियोगिता संयोजक तथा महासङ्घका वरिष्ठ उपाध्यक्ष खत्रीले जानकारी दिए ।
नुवाकोटको बेलकोटगढीस्थित निरञ्जना भगवती मन्दिर परिसरबाट सुरु हुने दौड पुरानो सिँढीबाटो, मालाकोट, शेरा, मुरलीटार, नुवाकोट दरबार, दारीगौंडा, फँलाटे, डाँडागाउँ, गेर्खु शान्ती कल्याण स्कुल, चाँपटार, केराघारी, बेत्रावती, सोलेपुल, तुप्चे, त्रिशूली अस्पताल, पञ्चकन्या मन्दिर सिँढी, चारघरे, रनभुवेश्वरी स्कुल, देविघाट पुल हुँदै पवित्र तीर्थस्थल देवीघाट बजारमा पुगेर सम्पन्न हुनेछ । २० भन्दाबढी चेकप्वइन्ट रहने प्रतियोगितामा इच्छुक खेलाडीले महासङ्घ, नुवाकोट जिल्ला खेलकुद विकास समिति, बेलकोट युवा क्लबलगायतमा पुगेर वा अनलाईनमार्फत् पनि नाम दर्ता गर्न सक्न प्रतियोगितको प्रवद्र्धक नुवाकोट खेलकुद विकास समितिका अध्यक्ष विजय गुरुङले जानकारी दिए ।
शाहसिक खेल पर्यटन प्रवद्र्धनको लागि परिचित यस प्रतियोगितामा सन्चालनार्थ ३२ लाख ५१ हजार रुपैया खर्च हुने अनुमान गरिएको आयोजकले जनाएको छ । प्रतियोगिताका लागि नुवाकोटका विदुर, वेलकोटगढी नपा, लिखु र सुर्यगढी गाउंपालिका र छिमेकी रसुवाको उत्तरगया गापाको सहकार्यमा सन्चालन हुने प्रतियोगिताले धावकहरूलाई शारीरिक र मानसिक रूपमा चुनौती दिनुका साथै नुवाकोट क्षेत्रको प्राकृतिक सौन्दर्य, संस्कृति, र ऐतिहासिक महत्वलाई उजागर गर्ने जनाएको छ ।
