विश्व वातावरण दिवस
हेटौंडामा साइकल र्याली
मकवानपुर । विश्व वातावरण दिवसका अवसरमा मकवानपुरको हेटौंडामा आज साइकल र्याली गरिएको छ ।
हेटौंडा उपमहानगरपालिका टोल विकास संस्था नगर समन्वय समितिको आयोजनामा ‘स्वच्छ वायु, स्वस्थ जीवन’ भन्ने मूल नाराका साथ ४७ औ वातावरण दिवस मनाइएको हो । दिवसको सप्ताहव्यापी कार्यक्रमको आज पाँचौ दिन साइकल र्याली गरिएको टोल विकास संस्था नगर समन्वय समितिका अध्यक्ष ध्रुवप्रसाद अधिकारीले जानकारी दिए ।
र्याली हेटौंडा उपमहानगरपालिकाका उपमेयर मीना लामाको प्रमुख आतिथ्यतामा भएको हो ।
दिवसका अवसरमा मकवानपुरमा विभिन्न कार्यक्रम भइरहेका छन् ।
