प्रहरीलाई गोली हान्ने स्याङतान पक्राउ
मकवानपुर । प्रहरीलाई गोली हान्ने मकवानपुरको राक्सिराङ गाउँपालिका वडा नम्बर ९ का कुमार स्याङतानलाई पक्राउ गरी मुद्घा चलाएको छ ।
उनलाई मुलुकी अपराध संहिता २०७४ को परिच्छेद ६ अनुसार हातहतियार खरखजाना सम्बन्धी कसुर, मुलुकी अपराध संहिता २०७४ को परिच्छेद १२ अनुसार ज्यान मार्ने सम्बन्धि कसुर र लागूऔषध ओसारपसार सम्बन्धि कसुरको मुद्धा चलाइएको मकवानपुरका एसपी मुकेशकुमार सिंहले जानकारी दिए ।
शनिबार राति २ बजे मकवानपुरको मनहरी गाउँपालिका वडा नम्बर ९ रजैया हुँदै लागुऔषध गाँजा ओसारपसार गरिरहेको अवस्थामा प्रहरीले स्थाङतानलाई पक्राउ गरेको थियो । प्रहरीले फक्राउ गरेपछि स्याङतानले प्रहरीललाई ताकेर गोली समेत हानेका थिए । उनीसंगै समुहमा रहेका अन्य ४÷५ जना तस्करहरु भने फरार भएको प्रहरीले जानकारी दिएको छ ।
स्याङतानको साथबाट कटुवा पेस्तोल १ थान सो भित्र लोड भई फायर भएको खोका १ थान, लाइभ राउण्ड ५ थान र लागुऔषध गाँजा ३१ केजी समेत बरामद गरेको प्रहरीले जनाएको छ ।
स्याङतान पटके अपराधी भएको समेत प्रहरीले जनाएको छ ।
