दुर्घटनामा मृत्यु हुने मध्ये एक जनाको पहिचान खुल्यो
मकवानपुर । मकवानपुरको हेटौंडामा भएको सवारी दुर्घटनामा मृत्यु हुनेमध्ये एक जनाको पहिचान खुलेको छ ।
पूर्व पश्चिम राजमार्ग अन्तर्गत हेटौंडा उपमहानगरपालिका वडा नम्बर १५ चुरियामाई नजिक भारतीय मालवाहक कन्टेनर दुर्घटनामा हेटौंडा ९ का ३२ वर्षिय सुजन ढकालको मृत्यु भएको भएको हो । दुर्घटनामा मृत्यु हुने मध्ये अर्का एकजनाका अन्दाजी २२ वर्षका व्यक्ति भएको र उनको पहिचान खुल्न बाँकी रहेको मकवानपुर प्रहरीले जनाएको छ ।
दुर्घटनामा परी घाइते भएका ९ जना मध्ये ८ जना उपचार गरी घर फर्किएका छन् भने एक जना चुरेहिलमा उपचार पछि भरतपुर रिफर गरिएको प्रहरीले जनाएको छ ।
प्रहरीका अनुसार हिजो बेलुका पल्टिएको एनएल ०१ डी ८०३१ नम्बरको भारतीय गाडी पल्टिएकोमा उठाएर ल्याइएपछि ब्रेक फेल भएर विभिन्न सात वटा सवारीलाई ठक्कर दिएको थियो ।
