सिर्जनशीलको तीज गीत प्रतियोगिता
मकवानपुर । मकवानपुरको भीमफेदी गाउँपालिका ७, कोगटेमा रहेको सिर्जनशील महिला बचत तथा ऋण सहकारी संस्थाले तीज गीत प्रतियोगिता गरेको छ ।
विभिन्न ६ वटा समूहले भाग लिएको प्रतियोगितामा बहुउद्देश्यीय जागरण महिला समूह प्रथम, सिद्देश्वरी महिला समूह द्घितीय, फूलबारी महिला समूह (क) तृतीय, ऋषेश्वरी महिला समूह सान्त्वना भएका छन् । प्रतियोगितामा ७५ जना महिला सहभागी भएका थिए ।
आयोजक सहकारीका उपाध्यक्ष आशा चुनी मगरको अध्यक्षता तथा श्री मावि विद्यालय व्यवस्थापन समितीका अध्यक्ष खड्गबहादुर आलेको आतिथ्यतामा कार्यक्रम भएको हो । कार्यक्रममा कोगटे स्वास्थ्य चौकीका अहेव पन्चु वाइवा, शेयर एण्ड केयरका शरण लामा लगायतको आतिथ्यता रहेको सहकारीका व्यवस्थापक सानुकान्छी सिंजाली मगरले जानकारी दिइन् ।
