टाटासुमो दुर्घटना
भीमफेदीमा यस्तो दु:खद् खबर,तीन जनाको मृत्यु
मकवानपुर । मकवानपुरको भीमफेदी गाउँपालिका वडा नम्बर ६, चिसापानी भएको टाटासुमो दुर्घटनामा तीन जनाको मृत्यु भएको छ भने ८ जना घाइते भएका छन् ।
मकवानपुर प्रहरीका अनुसार दुर्घटनामा परी महोत्तरी जिल्ला माईस्थान गाउँपालिका ६ का ७० वर्षीय वीरसिंह वाईवा, सर्लाही वरथवा नगरपालिका ३ का ६० वर्षीय महेन्द्र सहनी र सर्लाहीका दश महिने शिशु सम्रागी माझीको मृत्यु भएको हो ।
सर्लाहीबाट काठमाण्डौँ जाँदै गरेको सर्लाही सुमो सेवा नामक कम्पनि को ना १ ज ३६४० नम्बरको टाटा सुमो दुर्घटनामा परेको हो । दुर्घटनाग्रस्थलमा एक जनाको र अन्य दुई जनाको उपचारका क्रममा हेटौंडा अस्पतालमा मृत्यु भएको प्रहरीले जनाएको छ । दुर्घटनामा घाइते भएकाहरुको मकवानपुरको हेटौंडा अस्पतालमा उपचार भइरहेको छ ।
प्रत्यक्षदर्शीका अनुसार सुमो सडकबाट ५० मिटर तल खसेको थियो ।
