भीमफेदीको वडा नम्बर १ मा नेकपा वडा कमिटीको सपथग्रहण
मकवानपुर । नेपाल कम्युनिष्ट पाटी (नेकपा) को भीमफेदी गाउँपालिका १ नम्बर वडा कमिटीको आज (आइतबार) सपथ ग्रहण भएको छ ।
वडा कमिटीका २९ जना सदस्यलाई सपथ ग्रहण गराइएको कार्यक्रममा प्रमुख अतिथी रहेका नेकपा मकवानपुर इन्चार्ज विरोध खतिवडाले मुलुकको समृद्दिका तथा विकासका लागि नेकपा मात्रै लागिपर्ने पार्टी भएको बताए । उनले पार्टी संगठन बलियो बनाउँन लागिपर्नुपर्नेमा जोड दिए । अन्य पार्टी भन्दा नेकपाको काम गर्ने तरिका फरक हुनुपर्ने भन्दै जनताको मन जित्ने गरी काम गर्न नेकपाका नेता तथा कार्यकर्ता लागिपर्नुपर्नेमा जोड दिए ।
सपथग्रहण कार्यक्रममा पार्टीकी सह इन्चार्ज कुमारी मोक्तान, पार्टी मकवानपुर सचिव प्रेमबहादुर पुलामी, पार्टी नेता एवम् भीमफेदी गाउँपालिका अध्यक्ष हिदम लामा, अनेमसंघ मकवानपुर अध्यक्ष एवम् पालिका उपाध्यक्ष पार्वती राना, भीमफेदपार्टी नेताहरु प्रकाश पाण्डे, भगवती पुडासैनी, बद्रीबहादुर स्याङतान, अप्सरा लोप्चन, प्रमिला लामा पुलामी, रामचन्द्र बल, रन्जितकुमार राना, दीपक गोले, प्रितिलाल लामा, ऋषि पुडासैनी लगायतले मन्तव्य व्यक्त गरेका थिए ।
नेकपा भीमफेदी १ नम्बर वडा कमिटीका अध्यक्ष अध्यक्ष रामेश्वर थिङको अध्यक्षतामा सपथ ग्रहण भएको हो । नेकपा भीमफेदीको यसअघि २ नम्बर वडा कमिटिको सपथ ग्रहण भइसकेकाले अब सात वटा वडा कमिटिको सपथग्रहण बाँकी रहेको पार्टी भीमफेदी गाउँ कमिटी अध्यक्ष सानु थापाले जानकारी दिए ।
