मौसम
यस्तो छ आजको मौसम
मकवानपुर । सोमबार(आज) बाट पश्चिमी वायुको न्यून चापीय प्रणाली प्रवेश गर्ने मौसमविद्ले बताएका छन्।
मौसमविद्का अनुसार देशको सुदूरपश्चिम क्षेत्रको आकाशमा पश्चिमी न्यून चापीय प्रणालीको बादल आउने क्रममा छ।
सोमबार रातिसम्ममा यो प्रणाली सुदूरपश्चिम आइपुग्ने देखिने मौसमविदको भनाइ छ ।
पश्चिम पहाड तथा तराईका केही स्थानमा हल्का वर्षा गराउने सम्भावना रहेको मौसम पूर्वानुमान महाशाखाले जनाएको छ।
अहिले भित्रिने प्रणाली कमजोर किसिमको भएकाले यसको प्रभाव पश्चिमी क्षेत्रमा मात्र सीमित हुने र देशका अन्य स्थानमा खासै असर नपार्ने महाशाखाले जनाएको छ ।
