पेस्तोल बोकेर बगैंचामा बस्ने समातिए
मकवानपुर । सर्लाहीमा पेस्तोल बोकेर बगैंचामा लुकेर बसेका दुई जना पक्राउ परेका छन् ।
जिल्लाको विष्णु गाउँपालिका–४ बाट एक भारतीय सहित दुई जनालाई प्रहरीले नियन्त्रणमा लिएको हो । प्रदेश प्रहरी कार्यालय र प्रहरी चौकी मधुवनीबाट खटिएको संयुक्त टोलीले बगैँचामा लुकेर बसिरहेको अवस्थामा पक्राउ गरेको हो ।
पक्राउ परेकाको साथबाट प्रहरीले साथबाट एक थान कटुवा पेस्तोल, एक थान चाइनिज पेस्तोल र छ राउण्ड गोली बरामद गरेको जनाइएको छ । पेस्तोल सहित उनीहरु किन लुकेर बसे भन्ने विषयमा आफूहरुले अनुसन्धान गरिरहेको प्रहरीको भनाई छ ।
