डाक्टरलाई अभद्र व्यवहार गर्ने उत्तम कार्कीलाई आवश्यक कारवाही होस्
कोरोना भाइरसको किट सकिएपछि किट लिन काठमाडौ जाँदै गर्दा काठमाडौ प्रवेश गर्ने मुख्य नाका नागढुंगा पुग्दा बागमती प्रदेश जनस्वास्थ्य प्रयोगशालाको निर्देशक डा. नारायण कार्की सहितको टोलीलाइ काठमाडौ छिर्न नदिइ अभद्र व्यवहार गरी जताबाट आएको उतै फर्काइयो । ती नाकामा चेक जाँच गर्ने गर्ने स्वास्थ जस्तो अति संवेदनशील संस्थामा काम गर्ने व्यक्तिलाई फर्काउनेसम्मको अधिकार कसले दियो त्यो उहाँलाई एउटा समूहमै बसेका ती युवाहरुले डा. नारायण कार्कीमाथि झोला चेक गर्ने माक्स किन नलगाएको भन्ने, हप्की -दप्की गर्ने मोबाइलबाट लाइभ गरिरहँदा त्यहाँ खटिएका सुरक्षाकर्मी किन मुकदर्शक बने ? आम मानिसमा चासोको विषय बनेको छ । अहिलेको यो कोरोना भाइरसको माहामारीमा कोरोना चेक गर्ने किट जस्तो अति आवश्यक चिज लिन हिडेका डाक्टर जस्तो मान्छेलाइ बिच बाटोबाट फर्काउनुमा नाकाको सुरक्षामा खटिएका सुरक्षाकर्मीको गैरजिम्मेवारपन देखिन्छ ।
स्वास्थजस्तो अति संवेदनशील अनि अहिलेको यो कोरोना भाइरसको माहामारीमा बेला यसरी खेलवाड हुनु नाकामा खटिएका सुरक्षाकर्मी ती युवाले गरेको व्यवहार हेरेर बस्नु कोरोना भाइरस चेक जाँचको किट लिन गएका डाक्टर सहितको टोलीलाइ त्यहीँबाट हेटौंडा फर्काउनु के यो राम्रो कुरा हो ? सुरक्षा निकायको प्रमुखलाई मेरो प्रश्न ती नाकामा गैरजिम्मेवार तरिकाबाट चेकजाँच गर्ने उत्तम कार्की को हुन ? अब उसको पहिचान हुन जरुरी छ । उसलाइ कसले दियो नाकामा बस्ने र चेकजाँच गर्ने अधिकार अब यसको अनुसन्धान हुन जरुरी छ । एउटा देशको प्रतिष्ठित व्यक्ति डाक्टरलाई अभद्र व्यवहार हँदा सुरक्षाकर्मी साथीहरु हेरीमात्र रहनुमा नाकामा खटिएका सुरक्षाकर्मी नै गैरजिम्मेवार हो भन्ने देखिन्छ ।
यस्तो माहामारीका बेलामा कोरोना चेक गर्ने किट लिन हिडेको डाक्टरसहितको टोलीलाइ एउटा साधरण व्यक्तिले बाटो छेक्ने, झोला चेक गर्ने, अभद्र व्यवहार गर्ने हप्की-दप्की गर्ने काठमाडौ जानै नदिइ पुन : हेटौंडा फर्काउने अधिकार कसले दियो ? पक्राउ परेका युवालाइ आवश्यक कानूनी कारवाही होस् ।
